Hamasi ka bërë një thirrje të papritur ndaj Iranit, duke kërkuar që të ndalë sulmet ndaj vendeve fqinje. Ky apel vjen pas një përshkallëzimi të tensioneve rajonale. Në një deklaratë zyrtare, Hamas theksoi se, megjithëse Irani ka të drejtën të përgjigjet ndaj agresionit, çdo veprim duhet të respektojë normat dhe ligjet ndërkombëtare. Hamasi e ka cilësuar veprim të nevojshëm që iranianët të shmangin sulmet që mund të përshkallëzojnë konfliktin në rajon dhe të dëmtojnë vendet fqinje, shkruan The times of Israel. Hamas ka qenë gjithmonë mbështetës i Iranit, megjithatë ky qëndrim i ri tregon një qasje më të matur ndaj tensioneve ndërkombëtare dhe një përpjekje për të parandaluar përhapjen e konfliktit jashtë kufijve të drejtpërdrejtë. Kjo nuk është hera e parë që grupi palestinez komenton mbi ngjarjet në Iran. Pak kohë më parë, ata dënuan vrasjen e liderit suprem iranian, Ali Khamenei, duke e quajtur atë një “krim të neveritshëm”.