Shefi i talebanëve në Afganistan, ka urdhëruar liderët e grupit të heqin dorë nga poligamia dhe këtë e ka bërë nën pretekstin se kushton shumë. “Valvari” ose ndryshe, paja që burri i detyrohet familjes së vajzës, kur e merr për grua, konsiderohet në fakt nga shtresat më të ulëta, vecanërisht nga ushtarët, si një zakon i pajustifikueshëm, simbol i një privilegji që e gëzojnë vetëm elitat. Mullai Hubatullah Akhundzada, që edhe vetë ka dy gra, kujton se kurani lejon poligaminë, deri në katër gra, por nuk lejon asnjë lloj shpenzimi të tepruar ekonomik. Nga teksti, kuptohet se poligamia nuk është më e rekomanduar e madje do të ishte mirë të evitohej nëse nuk ekzistojnë mjetet e duhura ekonomike në mënyrë që të evitohet bashkë me të edhe korrupsioni dhe praktikat e paligjshme. Arsyeja e urdhërit të ri, jo shumë e lidhur me motivet fetare se sa me akuzat për korrupsion mbi disa liderë talebanë, që për tu rimartuar, kanë shpenzuar shuma mes 20 dhe 85 mijë eurove duke përdorur fonde të grupit ose duke marrë para përmes metodave të diskutueshme, duke krijuar kështu pakënaqësi mes anëtarëve të tjerë. Poligamia, është e ligjshme në shumë vende të azisë dhe afrikës, në të cilat popullata është në kryesisht myslimane. Ajo tolerohet por nuk inkurajohet gjithnjë në vendet sunite ndërsa mbetet praktikë e zakonshme në afganistan dhe pakistan.