Një agjent policie në timonin e një makine është sulmuar me thikë para një stacioni policie në Kanë nga një individ që tha se po e bënte gjithcka në emër të profetit. Burimet e policisë thanë se agjenti kishte shpëtuar falë jelekut antiplumb. Agresori, me një leje qëndrimi të lëshuar nga italia, u plagos rëndë nga një polic i dytë. Ministri francez i brendshëm, Gerald Darmanin bëri të ditur se agresori është neutralizuar nga një koleg i agjentit të lënduar. Sipas të dhënave të publikuara nga Le Figaro, sulmi ndodhi në orën 6.35 kur një individ hapi derën e makinës së policisë dhe sulmoi me thikë agjentin, i cili shpëtoi falë jelekut. Agresori më pas tentoi të qëllonte edhe kolegun tjetër në makinë, i cili reagoi duke qëlluar me armë e duke e plagosur atë. agresori, emri i të cilit nuk është bërë i ditur, kishte përmendur allahun gjatë sulmit. Sipas të dhënave të disponueshme, po merret në konsideratë nga hetuesit edhe pista e terrorizmit.