SHBA kishte marrë në konsideratë një goditje bërthamore mbi kinën, për të mbrojtur Tajvanin nga forcat komuniste në 1958. Këtë e kanë treguar dokumente sekrete, që janë publikuar së fundmi, në një kohë tensionesh në rritje në rajon. Liderët ushtarakë, po ashtu kishin menduar se Bashkimi Sovjetik do të ndihmonte Kinën dhe do të kundërpërgjigjej me armë bërthamore, por ky ishte një cmim që ia vlente të paguhej për të mbrojtur Tajvanin. Dokumentet janë postuar online nga Daniel Ellsberg; 90 vjecari është i famshëm për nxjerrjen në 1971-shin të dokumentave të pentagonit për luftën në Vjetnam. Ellsberg tha për The Neë York Times, se ai kishte kop[juar studimin e bërë në fillim të viteve 1970 dhe se kishte vendosur ta publikonte atë tani që tensionet po rriten mes shteteve të bashkuara dhe kinës, për Tajvanin. Sipas dokumentave, presidenti Dëight D Eisenhoëer, kishte kundërshtuar liderët ushtarakë dhe kishte vendosur të mbështetej fillimisht tek armët konvencionale. Por ekzistonte një bindje uynanime se e gjithë kjo mund të pasohej shumë shpejt nga sulme bërthamore nëse komunistët kinezë nuk do të tërhiqeshin. Kriza e 1958-ës, përfundoi kur forcat komuniste ndalën sulmet e tyre me artileri mbi ishujt e kontrolluar nga Tajvani, duke e lënë zonën nën kontrollin e forcave nacionaliste nën Chiang Kai Shek. Kina e konsideron Tajvanin një provincë rebele që një ditë do të rikthehet nën kontrollin e saj, edhe me forcë nëse do të jetë e nevojshme.