Stuhia Medea që ka mbuluar gjatë 24 orëve të fundit gjithë greqinë,ka krijuar mjaf probleme në disa zona të vendit. Sipas mbrojtjes civile, 2 persona kanë humbur jetën. Viktimat janë një 56 vjeçar i cili u gjet i vdekur në stanin e tij në Kretë, si dhe një 80 vjeçar i cili u gjet i vdekur në banesën e tij në Evia. Ishte fat, kane deklaruar autoritete që nuk pati viktima nga rrëzimi i një peme, vetëm 50 metra larg godinës së parlamentit në sheshin Sindagma të Athinës, ndërsa probleme ka pasur me furnizimin me energji elektrike dhe ujë të pijshëm në periferi të Athinës. Sakaq, kjo situatë ka bërë që 29 zona të Athinës të kenë probleme me elektrifikimin, ndërsa zjarrëfikësit njoftuan se kanë ndërhyrë për të prerë më shumë se 600 pemë vetëm në kryeqytetin Athinë. Edhe akset kombëtare që lidhin athinën më selanikun dhe korinthin janë mbyllur për automjetet ndërsa autoritetet kanë bëre thirrje për kufizim të lëvizjeve jashtë banesës. Probleme të shumta janë shënuar në disa zona periferike të kryeqytetit,ndërsa janë të detyrueshme zinxhirët për automjetet. Probleme janë hasur edhe në trafikun detar, ku roja bregetare njoftoi për ndalim të lundrimit, pasi dallgët në egje kalojnë 10-11 ballë. Mbrojtja civile njoftoi se ndjek nga afër situatën, ndërsa gjithë mekanizmi shtetëror është në gadishmëri.