Një vendim i Bashkimit Evropian për vaksinën ruse kundër koronavirusit, Sputnik V, mund të merret vetëm në vjeshtë. Sipas zyrtarëve gjermanë, mungojnë ende të dhëna ndaj autoritetet do të shtyjnë vendimmarrjen, të paktën deri në shtator, për autorizimin apo jo të përdorimit të Sputnik V në hapësirën e bllokut me 27 anëtarë. Sipas gazetës gjermane Bild am Sonntag, kryeministri i Bavarisë, Markus Söder do të kishte preferuar një vendim më të shpejtë. Ai kërkon nga Agjencia Europiane e Medikamenteve, EMA dhënien më të shpejtë të lejes. “Motori i vaksinimit nuk duhet të ngecë”, tha Söder për gazetën gjermane. Nuk duhet të kemi vonesa vetëm thjesht për arsye ideologjike. Bavaria parashikon blerjen e 2,5 milionë dozave të “Sputnik V”. Rusia lejoi në gusht të vitit të kaluar vaksinën “Sputnik V”, ende para përfundimit të studimeve shkencore që parashikohen për vaksinat. Ky vendim u prit me kritika nga qarqet shkencore atëherë. Por gati 70 shtete ndërkohë e kanë lejuar përdorimin e vaksinës. Aktualisht EMA po verifikon lejen për përdorimin në BE. Në fillim të marsit nisi procedura e mbikqyrjes në kuadër të një « Rolling Revieës », procedurë, ku verifikohen rezultatet e testimeve, megjithëse nuk janë paraqitur të gjitha të dhënat dhe nuk ka ende një kërkesë për leje përdorimi. Dy shtete të BE edhe pa leje të EMA-s, e përdorin ndërkohë preparatin rus të vaksinës. Hungaria dhe Sllovakia. Deri më tani në BE e kanë marrë lejen e përdorimit BioNTech/Pfizer, Moderna, AstraZeneca, Johnson&Johnson të gjithë prodhues nga vendet perëndimore.