Rusia është akuzuar këtë të hënë se ka përdorur një spiun në britani për të vjedhur formulën e vaksinës së Oxfordit dhe Astrazeneca-s në mënyrë që Vladimir Putin të mund të krijonte vaksinën e vet cuditërisht shumë të ngjashme, Sputnik V dhe të fitonte garën për të prodhuar vaksinën e parë efikase anti covid në botë. Burime sigurie kanë provat se një spiun i moskës në Britaninë e madhe, ka mundur që fizikisht të rrëmbejë formulën, por nuk është e qartë nëse ky ishte një dokument nga laboratori i gjigandit farmaceutik, nga fabrika apo një epruvetë me vaksinën e përfunduar, për ta nxjerrë më pas jashtë vendit për analiza. Sekretari i brendshëm britanik nuk pranoi të komentonte rastin por as nuk e mohoi atë. Spiunët e MI5 ndërkohë kanë thënë se hakerat rusë kanë tentuar në mënyrë të përsëritur të kryejnë sulme kibernetike mbi universitetin e oxfordit që nga marsi 2020, rreth një muaj pasi shkencëtarët britanikë njoftuan se kishin filluar të prodhonin një vaksinë. Në prill të vitit të shkuar, oxford dhe astrazeneca tha se do të niste testimet e para tek njerëzit por muajin tjetër moska tha se kishte shpikur vaksinën e saj dhe në gusht, vladimir Putin mbajti një fjalim në televizion ku tha se vendi e kishte fituar garën globale për të krijuar vaksinën e parë anti covid. Më pas u bë e ditur se Sputnik V funksionon njësoj si vaksina britanike. Të dyja janë vaksina të vektorit viral, cka do të thotë se përdorin një virus tjetër të përpunuar për të mbajtur agjentin imun që më pas shkatërron koronavirusin. Datat sugjerojnë se moska mund të ketë marrë formulën gjatë testimeve të para tek njerëzit në britaninë e madhe.