Cristiano ronaldo është sportisti më i paguar për vitin 2023. Ky është përfundimi i një studimi të kryer nga portali Sportico.com që ka përpiluar klasifikimin e 100 sportistëve më të paguar nga 8 disiplina të ndryshme sportive dhe 25 vende. Sipas këtij portali, në total në vitin 2023 sportistët kanë përfituar 5.4 miliardë dollarë ku përfshihen pagat dhe shpërblime të tjera. Kështu, Cristiano ronaldo është kampion bote përsa iu përket përfitimeve financiare për vitin 2023 me 275 milionë dollarë, nga të cilat 215 milionë i përfiton nga kontrata me Al Nassr, ndërsa 60 milionë nga kontrata me kompanitë e veshjeve sportive. Në vendin e dytë, pozicionohet golfisti Jon Ram me 203 milionë dollarë të ardhura të siguruara, nga të cilat 181 milionë vetëm në formën e pagës.