Inteligjenca britanike beson se është e mundur që kovidi të ketë dalë nga një laborator në Vuhan, ndërkohë që shumë pikëpyetje mbeten të hapura për origjinën e pandemisë. Operativët britanikë po hetojnë tani mundësinë e daljes së virusit nga instituti i virologjisë në Vuhan, pasi një raport bombastik tregoi më herët se virusi mund të ishte projektuar. Teoritë e një daljeje të mundshme nga laboratori u hodhën poshtë fillimisht duke u quajtur konspiracione, por provat po rriten tani ndërsa presidenti amerikan Joe Biden ka urdhëruar një hetim të ri, urgjent. Inteligjenca britanike ka vlerësuar në vijim teorinë e daljes nga laboratori dhe ka dalë në përfundimin se ajo është e mundshme. Kjo vjen pasi një ditë më parë u bë e ditur se spiunët britanikë po ndihmojnë homologët e tyre amerikanë në hetim. “Mund të ketë prova që na cojnë në një drejtim dhe prova që na cojnë në një drejtim tjetër”, tha një burim. Kinezët, në secilin rast nuk do të thonë të vërtetën. – shtoi ai. Burimet amerikane ndërkohë shtojnë se ka shqetësime serioze se nëse origjina e virusit nuk do të mund të identifikohet, do të ketë sërish pandemi të ngjashme në të ardhmen.