Një spirale e madhe, e shndritshme, që u shfaq në qiellin e natës mbi pjesë të Mbretërisë së Bashkuar të hënën besohet të jetë shkaktuar nga lëshimi i një rakete SpaceX në SHBA. Forma e ngjashme me një re, që ishte e dukshme për disa minuta para se të zbehej, besohet të jetë shkaktuar nga karburanti i mbetur i lëshuar nga raketa në hapësirë. Raketa Falcon 9 nga kompania hapësinore e Elon Musk u lëshua rreth orës 13 e 50 minuta sipas orës lokale në Florida në një mision sekret të qeverisë amerikane. Falcon 9 është një raketë e ripërdorshme. Pas nisjes në hapësirë, ajo lëshon atë që quhet ngarkesë e saj dhe vazhdon udhëtimin në hapësirë. Pas përfundimit të misionit, raketa kthehet përsëri në tokë. Ajo nxjerr gjithë karburantin e mbetur, i cili ngrin menjëherë për shkak të lartësisë duke krijuar edhe një lloj spiraleje për shkak të lëvizjeve të raketës. Drita më pas reflektohet nga karburanti i ngrirë, duke e bërë atë të dukshme në Tokë.