Situata për shkak të Covid 19 në Maqedoninë e Veriut vijon të mbetet problematike, ku cdo ditë raportohet për një numër të lartë infektimesh dhe fatalitetesh. Ministria e Shëndetësisë ka bërë me dije se në 24 orët e fundit janë kryer 5 mijë e 844 testime, nga të cilat 870 rezultuan pozitivë me Covid 19. Shkupi vijon të jetë qarku më i infektuar, ku vetëm në 24 orët e kaluara janë shënuar 368 raste të reja. E ndjekur më pas nga Tetova dhe Gostivari. Po në këtë hark kohorë 37 persona humbën jetën në luftë me virusin e rrezikshëm, duke e cuar numrin e viktimave në 5 mijë e 938 që prej fillimit të pandemisë. Sipas njoftimit zyrtarë, 661 persona janë shëruar në 24 orët e fundit, duke e cuar numrin e përgjithshëm të personave të shëruar në 156 mijë e 307 që prej fillimit të pandemisë. Ndëkohë, numri i rasteve aktive është 14 mijë e 249 në të gjithë vendin.