Luhatetjet në çmimin e tregtimit të karburanteve ndikohen nga e gjithë situata ekonomike në vend, duke filluar nga luhatjet e kursit të këmbimit, tkurrja e depozitave, shtrenjtimi i energjisë elektrike dhe rreziku për mungesë importesh. Në harkun kohor të gjashtë muajve të parë të viti, dollari amerikan u forcua me 11 përqind në tregjet ndërkombëtare duke tejkaluar për herë të parë në dy dekada euron. Forcimi i dollarit kundrejt lekut, ndikon në çmimet e naftës, ushqimeve dhe produkteve të tjera bazë të shportës, pasi këto produkte blihen në tregje të huaja në valutë amerikane. Rritja e çmimeve ndikon ndjeshëm edhe në konsum, dhe parashikimet për të ardhmen, por edhe situata aktuale krijojnë tek qytetarët një frenim të konsumit. Sipas bankës së Shqipërisë, depozitat u tkurrën me 568 milionë lekë, krahasuar me muajin qershor. Pamundësia ekonomike për të përballuar kostot e jetesës ka bërë që shqiptarët të tërheqin lekë nga depozitat e kursimeve.