Shkodra vijon prej javësh të vuajë pasojat e përmbytjeve të shkaktuara nga reshjet intensive të shiut. Në raportimin e përditshëm të bashkisë së Shkodrës për gjendjen në territorin e saj, bëhet e ditur se janë 2685 hektarë tokë nën ujë, ku rreth 80% e kësaj sipërfaqe janë toka të mbjella me kultura të ndryshme duke shkaktuar në këtë mënyrë deme të shumta për banorët dhe fermërët e zonavë më të goditura. nga onitorimi i prurjeve hidrometri në Dajç shënon kuotën 6.51 m, duke kaluar edhe nivelin e kuotës maksimale 6.30 m. Edhe në liqenin e shkodrës kuotën ka arritur 8.83 m, duke kaluar Kuotën max 8.70 m. Sa i takon matjeve në lumin drin hidrometri shënon kuotën 7.12m, ndërsa Kuota max 7.50 m. Lumit Kir vijon të ketë prurje të shumta. Oboti prej vijon të mbetët në izolim, pasi niveli i ujit është 1.15 m dhe kalimi është i mundur vetëm për mjetet e rënda. Ujësjëllësi Obilika 1 vijon të jetë jashtë funksionit për shkak të përmbytjeve. E bllokura mbetet edhe Rruga që lidh fshatrat Shirq- Darrgjat, ku niveli i ujit është mbi 1 m. Ndërsa 250 shtëpi janë të rrethuara nga uji. Bashkia e Shkodrës ka kërkuar gatishmërinë e forcave të ushtrisë për të ndërhyrë dhe evaukuar familjet dhe gjënë e gallë që rrezikohen nga uji në fshain Shirq në rast të përkeqësimit të situatës. Bashkia Shkodër në kushtet e ndodhura, bazuar në ligjin për “Për Mbrojtjen Civile ”, kërkon shpalljen e gjendjes së fatkeqësisë natyrore, për Njësinë Aadmijistrative Ana e Malit dhe Dajç, si dhe mbështetje me bazë ushqimore për gjënë e gjallë në këto njësi.