6 viktima janë shënuar gjatë 24 orëve të fundit nga pandemia e koronavirusit në vendin tonë. Sipas Ministria e Shëndetësisë luftën me pandeminë nuk e kanë fituar 3 qytetarë nga Fieri të moshave 52-80 vjeç, 1 qytetar nga Kolonja 68 vjeç, 1 qytetare nga Lushnja 68 vjeçe, 1 qytetar nga Berati 70 vjeç. Ndërkohë që nga 3244 testime të kryera gjatë ditës së fundit, kanë rezultuar pozitivë 475 qytetarë. Sipas të dhënave zyrtare mësohet se Tirana mban numrin më të lartë të infeksioneve ditore me 198 qytetarë ndjekur nga Fieri e Durrësi me nga 24 qytetarë, më pas 21 në Shkodër, 17 në Lushnje, nga 15 qytetarë në Vlorë, Sarandë, nga 14 qytetarë në Elbasan, Kamëz, 12 në Berat, 10 në Divjakë, nga 8 qytetarë në Kurbin, Krujë etj. Ndërkohë që aktualisht në Spitalet COVID po marrin trajtim 169 pacientë, nga të cilët 20 janë në gjendje më të rënduar.