Drejtori i Institutit të Shëndetit Publik, Igor Galic deklaroi se situata epidemiologjike në Mal të Zi është praktikisht jashte kontrollit. "Ne nuk e kontrollojmë dot më swmundjen, sepse numri i të prekurve me virus dhe atyre që humbasin jetën është vazhdimisht në rritje. çdo 2 minuta në Mal të Zi infektohet një person, ndërsa çdo 150 minuta një person humb jetën. Numri i pacientëve të prekur me koronavirus gjatë tërë ditëve të javës së shkuar është mbi 500, ndërsa ai i vdekjeve 64”, u shpreh Galic. Sipas tij, rreth 13 përqind e popullsisë së Malit të Zi wshtw prekur me koronavirus e kësaj i shtohet edhe transmetimi lokal, që gjithashtu po shenon rritje. "Rastet e regjistruara rishtas të infeksionit në lidhje me numrin e testuar janw 28.7 përqind. Në mënyrë që të jemi në gjendje të themi se ne ee kontrollojmë epideminë, ky raport duhet të jetë pesë përqind. Kjo tregon maswn në të cilën ne nuk e kontrollojmë epideminë", tha zyrtari. Pavarwsisht treguesve shqetësues për situatwn, autoritetet shëndetësore dhe qeveria e Malit të Zi po i mbajnë kufijtë e hapur për katër vendet fqinje. "Arsyet janë kryesisht ekonomike," deklaroi Sekretari i Shtetit në Ministrinë e Shëndetësisë Borko Bajiç, duke përmendur një numër më të vogël të të infektuarve në ato vende si arsye shtesë dhe faktin që ata i mbajnë kufijtë e tyre të hapur me Malin e Zi. Masat aktuale epidemiologjike lejojnë hyrjen në Mal të Zi nga Serbia, Kosova, Shqipëria dhe Bosnjë dhe Hercegovina pa testin PCR. Mali i Zi renditet i pari në rajon pwr nga numri i të sëmurëve aktivë (1.448) për 100 mijë banorë.