Shtohen më edhe më tej përpjekjet diplomatike mes Perëndimit dhe Rusisë për të gjetur një zgjidhje për situatën kritike të krijuar në Ukrainë dhe arritjen e një marrëveshje të mundshme mes palëve për t’i dhënë fund luftës në këtë vend. Ditën e premte është mësuar se Sekretari i Përgjithshëm i Organizatës së Kombeve të Bashkuara, Antonio Gueterres do të takohet të martën në Moskë me presidentin rus Vladimir Putin. Dy ditë më parë, Antonio Gueterres kërkoi që të zhvillonte takime të ndara me Presidentët Vladimir Putin dhe Volodymyr Zelensky për të negociuar një marrëveshje për luftën në Ukrainë. Zëdhënësi i OKB-së, tha të mërkurën se Guterres u kishte dërguar letra misioneve të OKB-së të Rusisë dhe Ukrainës, duke i kërkuar Putinit që ta priste në Moskë dhe Zelenskyy për ta mirëpritur në Kiev.