Shefja e Shërbimit Sekret të Inteligjencës Britanike, shërbimi i spiunazhit të huaj i njohur si MI6, paralajmëron se Rusia përbën një kërcënim "agresiv, ekspansionist dhe revizionist", në fjalimin e saj të parë që nga marrja e detyrës. Blaise Metreëeli mori detyrën nga Richard Moore në tetor, duke u bërë shefja e parë femër e MI6, një rol i njohur publikisht me emrin e koduar "C", në historinë 116-vjeçare të shërbnimit. "Putin nuk duhet të ketë asnjë dyshim, mbështetja jonë është e qëndrueshme. Presioni që ushtrojmë në emër të Ukrainës do të jetë i qëndrueshëm", do të thotë Metreëeli, sipas fragmenteve paraprake të fjalimit të saj. "Eksporti i kaosit është një tipar, jo një gabim në qasjen ruse ndaj angazhimit ndërkombëtar, dhe ne duhet të jemi të gatshëm që kjo do të vazhdojë derisa Putini të detyrohet të ndryshojë llogaritë e tij", do të thotë ajo. Britania ka sanksionuar disa figura biznesi, udhëheqës politikë, kompani, anije dhe subjekte ruse, përfshirë të gjithë agjencinë e inteligjencës ushtarake GRU, që nga pushtimi i Ukrainës nga Rusia në vitin 2022. Metreëeli do të theksojë gjithashtu nevojën për të rritur përdorimin e teknologjisë për të trajtuar kërcënimet ndaj sigurisë së Mbretërisë së Bashkuar, duke përfshirë terrorizmin dhe luftën e informacionit. "Zotërimi i teknologjisë duhet të përfshihet në gjithçka që bëjmë. Jo vetëm në laboratorët tanë, por edhe në terren, në zanatin tonë dhe, akoma më e rëndësishmja, në mentalitetin e çdo agjenti", do të thotë ajo. Richard Knighton, kreu i forcave të armatosura të Britanisë, gjithashtu do të bëjë thirrje në një fjalim të veçantë të hënën për një qasje "të re të të gjithë shoqërisë" ndaj mbrojtjes përballë pasigurisë dhe kërcënimeve në rritje, dhe do të theksojë një probabilitet në rritje të pushtimit të një vendi të NATO-s nga Rusia.