Sipas dëshmitarëve, sulmi në plazhin e famshëm Bondi në australi, që ishte i mbushur plot në një mbrëmje të nxehtë fundjave, zgjati rreth 10 minuta, duke bërë që rreth 1,000 njerëz që merrnin pjesë në një festë hebraike të shpërndaheshin përgjatë rërës dhe në rrugët përreth. Një kalimtar i fiksuar në video duke sulmuar dhe çarmatosur një nga autorët e sulmit është cilësuar si një hero, pasi veprimet e tij shpëtuan jetë njerëzish. 7Neës Australia e identifikoi atë si Ahmed al Ahmed, pronari 43-vjeçar i një dyqani frutash, që ishte qëlluar dy herë dhe i ishte nënshtruar një ndërhyrjeje kirurgjikale. Një faqe për mbledhjen e fondeve për heroin kishte mbledhur më shumë se 550,000 dollarë australianë ose 365,000 dollarë amerikanë deri të hënën. Kur Ahmedi ia mori armën autorit të sulmit, ai thjeshtë po mendonte se nuk mund të shihte njerëz duke vdekur – thotë kushëriri i tij. Ai është tani në gjendje kritike por të qëndrueshme në spitalin shën xhorxh në sidnei. Që nga sulmi, babai 43-vjeçar i dy vajzave të vogla është bërë i njohur në gjithë botën dhe është quajtur tashmë hero nga kryeministri australian, kryeministri i Nju Sauth Uellsit dhe presidenti amerikan. Anthony Albanese e veçoi atë në një konferencë për shtyp të hënën, duke i bërë homazh veprimeve të tij si një shembull të “bashkimit të australianëve”.