Lulzim Berisha u arrestua në prill të vitit 2006 me akuza të rënda mbi shpinë, që nga organizimi dhe drejtimi i grupit kriminal, deri te vrasje të shumëfishta. Në procesin gjyqësor që pasoi, ai u dënua me burg përjetë, vendim që e apeloi deri në Gjykatën e Lartë të vendit. Kolegji penal i Gjykatës së Lartë, me një vendim të kritikuar në vitin 2014-të shfuqizoi këtë vendim dhe riktheu dosjen për gjykim në Apelin e Krimeve të Rënda. Sipas arsyetimit të gjykatës së lartë, aktiviteti kriminal i bandës së Durrësit ishte kryer në vitet 1998-2000 dhe dënimi për Lul Berishën duhej të vendosjes në bazë të parashikimeve të kodit penal të atyre viteve, që ishte më i butë. Me rigjykimin në Apel, Lulzim Berishës i hiqet dënimi me burg përjetë dhe dënohetme 25 vite. Por, vetëm dy vite pas vendimit të gjykatës së lartë fiton lirinë për sjellje shembullore në burg.