Komisioni i Organizimit dhe Kontrollit të Operacioneve Elektorale pranë Partisë Demokratike ka shtyrë me dy orë procesin e votimit për kryetarin e Partisë Demokratike. Sipas njoftimit të shpërndarë për mediet thuhet se shtyrja vjen si pasojë e kërkesave nga degët e PD, e si rrjedhojë demokratët do të mund të votojnë deri në orën 20:00. Po ashtu, Komisioni edhe më herët është shprehur se qendrat e votimit do të jenë të hapur deri sat ë votojë edhe anëtari I fundit që është në radhë. Nga ana tjetër, mësohet se deri në orën 13:00, pjesëmarrja në votime në të gjithë degët e PD në 108 qendra votimi është 24 165, teksa është rritur me më shumë se 10 mijë votues në harkun kohor të 2 orëve, pasi deri në orën 11 kishin votuar 14 mijë demokratë.