Një person I veshur si pastrues rrugësh, dyshohet të jetë autori I vrasjes së 36 vjecarit shqiptaro suedez, Flamur Beqiri. Bëhet fjalë per shtetasin Anis Hemisi, 24-vjeçar me shtetësi suedeze dhe origjinë tuniziane, I cili fshihte fytyrën e tij me maskë plastike dhe vishej me rroba pastrusi. Ky i fundit ekzektuoi me 10 plumba rivalin e tij të grupeve kriminale të drogës, përpara shtëpisë së tij 1.7 milionë sterlina, në sy të gruas dhe dy fëmijëve në prag të Krishtlindjeve. Ngjarja ndodhi në prag të festave të Krishtlindjeve në vitin 2019. Mesa duket Londra, nuk është vendi ideal për vrasje pasi detektivët britanikë dhe suedezë, përmes sistemit tejet të madh të kamerave të sigurisë, kanë mundur të gjurmojnë dhe zbulojnë grupin e atentatorëve. Sipas shtypit britanik, 36 vjecari njiht si një nga figurat kryesore të krimit të organizuar suedez dhe vrasja e tij konsiderohet si një vrasje e pastër hakmarrjeje, pasi grupi i tij ka luftuar për dominimin e tregut të trafikimit të drogës në Suedi nga Spanja dhe Holanda. Mendohet se Beqiri ka pasur rival edhe grupe të tjera shqiptare të trafikimit të drogës, përveç atyre që e eliminuan në mes të Londrës. Autori I vrasjes mohoi tyë kiosnhte lidhje me këtë ngjarje, dhe i tha jurisë në një gjykatë në Londër se kishte ardhur në kryeqytetin britanik “për të parë Netflix dhe për t’u relaksuar”, me një të dashur që kishte njohur ‘online’.