Paga mesatare bruto në Shqipëri arriti në nivelin e 82 mijë lekëve në tremujorin e parë të këtij viti, duke u rritur me 11.6 për qind krahasuar me po të njëjtën periudhë të një viti më parë. Në harkun kohor të tre viteve, pagat kanë ndjekur një trend të vijueshëm rritës, teksa po të njëjtin trend kanë ndjekur edhe çmimet e produkteve bazë të shportës, çmimet e qerave dhe kosto të tjera të jetesës. Në tremujorin e parë të viti 2022 paga mesatare ka qënë në nivelin e 59 mijë lekëve bruto. Këtë vit, profesionet më të paguara janë ato në aktivitete financiare, të sigurimeve, informacionit dhe komunikimit ku të ardhurat mujore të të punësuarve arrijnë mbi mesataren kombëtare. Me 16.7 për qind janë rritur pagat në administratën publike, arsim, shëndetësi dhe aktivitetet e punës sociale, krahasuar me po të njëjtën periudhë të një viti më parë.