Vendet perëndimore kanë shprehur zemërim për devijimin e detyruar të një avioni në të cilin udhëtonte një aktivist Bjellorus, në një fluturim të dielën. Liderët e BE do të diskutojnë për reagimin e tyre ndaj asaj që drejtuesit e unionit e kanë quajtur “rrëmbim avioni” dhe për departamentin amerikan të shtetin ai ishte një akt shokues. Bjellorusia detyroi avionin që të ulej, të ulej, me pretendimin se kishte një kërcënim për bombë. Më pas, në ulje, autoritetet arrestuan gazetarin dhe aktivistin Bjellorus, Roman Protasevic. 26 vjecari ishte në bord të avionit Ryanair, që po fluturonte nga athina. Avioni duhej të ulej në Vilnius por ishte ende në hapësirë ajrore bjelloruse kur autoritetet vendase ngritën në fluturim një avion ushtarak dhe devijuan fluturimin drejt kryeqytetit të vendit. Dëshmitarët thanë se aktivisti ishte shumë i trembur dhe se i tha pasagjerëve të tjerë se ai do të përballej me dënimin me vdekje. Media shtetërore në Bjellorusi tha se presidenti Alexander Lukashenko, personalisht, kishte dhënë urdhër për lëvizjen. Avioni u ul në Vilnius më shumë se gjashtë orë pas orarit të planifikuar. Që kur fitoi zgjedhjet e shumëdiskutuara gushtin e kaluar, 66 vjecari lukashenko, që udhëheq vendin që nga 1994, ka goditur ashpër zërat disidentë. Shumë figura opozitare janë arrestuar ndërsa të tjerë janë larguar në azil.