Një tjetër banesë e cila shërbente për kultivimin e lëndëve narkotike me anë të llambave, është goditur nga policia në lagjen ‘Abaze’ të Krujës. Katër persona u vunë në pranga dhe tre të tjerë u shpallën në kërkim në kuadër të operacionit policor të koduar ‘Çinari’. Gjon Gazulli, Gojart Pelivani, Ardian Hysa dhe Lulzim Mançe, u arrestuan në flagrancë nga efektivët e policisë. Këta dy të fundit ishin punonjës në OSHEE. Nga ana tjetër, Velidjan Broca pronar i magazinës, si dhe shtetasit Dashamir Vathi dhe Ledjan Vathi, vëllezër me njëri-tjetrin, u shpallën në kërkim.