Shtetasi shqiptar Eugert Merizaj ka dalë përpara gjykatës për vrasjen e 30-vjeçarit Hamaand Ali Hussain në Angli. Ngjarja ndodhi më 14 shtator të vitit 2019, ku Ali Hussain, babai i dy fëmijve u gjet i vrarë me armë zjarri. Policia britanike aso kohe dyshoi se vrasja u krye për larje hesapesh për pazaret e drogës, ku vec shqiptarit Merizaj, të dyshuar si bashkëpunëtor për këtë krim të rëndë ishin edhe 4 persona të tjerë, më konkretisht Noza Saffari, Dorian Pirija dhe Qazim Marku, të cilët u shpallën fajtorë për vrasjen e Hussain, por u liruan pas një gjyqi në janar të vitit të kaluar, pasi prokuroria nuk kishte prova të mjaftueshme për përfshirjen e tyre në këtë krim. Ndërsa personi i katërt Anxhelo Xhaferi 25 vjeç, po ashtu u lirua më vonë me vendim gjykate. Ndërkohë që tre persona të tjerë, si pjesë e bandës shqiptare të drogës Sajmir Dodoveci, Armando Marku dhe Daniel Kadiu, që kishin lidhje me Eugert Merizajn janë shpallur në kërkim dhe nuk dihet se ku janë fshehur. Ngjarja u raportua nga një banor i zonës, sipas të cilit papagalli i tij kishte dëgjuar të shtënat me armë zjarri, ndërkohë që ai vetë u shpreh se kishte probleme me dëgjimin. Dëshmitari David Walker,