Dimensioni ndërkombëtar dhe operimi në shumë vende njëkohësisht i aktivitetit kriminal është rritur ndjeshëm. Në një vlerësimin të fundit mbi Kërcënimin nga Krimi i Organizuar EUROPOL arriti në përfundimin se shtatë nga 10 grupe e kriminale të organizuar janë zakonisht aktive në më shumë se tre vende. Gjithashtu raporti i EUROPOL thekson se shumë prej grupeve të krimit të organizuar janë fleksibël dhe shfaqin përshtatshmëri të madhe në shpejtësinë me të cilin ata përshtatin modelin e tyre të biznesit në raport me ndryshimet e mjedisit përreth tyre. Ngjashëm me vendet e tjera në këto tre dekada, krimi në Shqipëri është rritur në dimension, nivelin e sofistikimit dhe gatishmëri, në gjendje të organizojë ose udhëheqë operacione kriminale ndërshtetërore. Gjithashtu modeli i kaluar i sundimit komunist në Shqipëri ka paraqitur sfida të jashtëzakonshme politike dhe shoqërore gjatë tranzicionin në demokraci dhe zhvillimin e kriminalitetit ndër vite. Në vitin 2016, në vendet e BE-së kishte 5,722 shtetas shqiptarë të burgosur, një numër relativisht i lartë në krahasim me numrin e popullsisë pasi vendet me popullsi shumë më të mëdha si Turqia dhe Polonia renditeshin në atë kohë pas Shqipërisë me 4798 dhe 4449 të burgosur respektivisht. Aktualisht Shqipëria përveç që konsiderohet si një vend që prodhon dhe eksporton sasi të konsiderueshme të marjuanës - kryesisht për përdorim evropian është identifikuar gjithashtu si një bazë operacionesh për organizatat rajonale të krimit të organizuar dhe si një vend tranzit për heroinën dhe kokainën afgane, duke shërbyer si një portë për shpërndarjen e heroinës në të gjithë Evropën.