Policia Rrugore e Tiranës ka vijuar me kontrolle të intensifikuara gjatë 48 orëve të fundit. Gjatë kësaj periudhe, janë vënë 136 masa administrative për shkelje të rregullave të trafikut, përfshirë mosrespektimin e radhës dhe parakalime të rrezikshme, që shpesh janë shkaktarë të aksidenteve të rënda. Nga kontrollet 11 shtetas janë arrestuar ose proceduar penalisht për shkelje të ndryshme të kodit rrugor. 17 automjete janë ngritur me karrotrec, për mungesë dokumentacioni, modifikime të paligjshme ose parkime të parregullta që pengonin lëvizjen e lirë të automjeteve. 37 drejtues automjetesh janë kapur duke drejtuar nën ndikimin e alkoolit, duke përbërë një rrezik të drejtpërdrejtë për sigurinë e trafikut, dhe janë ndëshkuar sipas ligjit. Sakaq 2758 masa administrative janë vendosur për parkime të gabuara, një fenomen i përhapur që vazhdon të krijojë pengesa në lëvizjen e automjeteve.