Një ngjarje që na rikthen në kujtimet kur Ballist Morina ngriti në Beograd dronin me simbolet kombëtare, është përsëritur në Serbi. Por kësaj here ngjarja ka ndodhur në qytetin e Valevës ku siç raporton B92, një bilbord shgfaqi një imazh ku një shqiponjë e zezë dy krenare me sfond të kuq kap prej fyti atë shqiponjën serbe. Fotografia është publikuar në Instagram në faqen “valjevo_live”, ndërsa autoritetet serbe e quajtën si një provokim. “Billbordi në qendër të qytetit. Besohet se është hakuar dhe se kjo është një prej provokimeve”, shkruhej në njoftim. Në komente është paraqitur dhe një person që pretendon se është pronar i billbordit në fjalë që thotë se është hakuar. “Jam pronari i billbordit i cili mbrëmë është hakuar. Me të marrë vesh, e kam fikur të njëjtin, ndërsa rasti do të raportohet te organet kompetente”, ka shkruar ai.