Në Maqedoninë e Veriut, u shënua viktima e parë nga variant britanik I koronavirusit, I cili është zbuluar prej pak kohësh në vendin fqinj. Me herët, ishte zbuluar tek një 46 vjecar në Shkup, I cili fatmrësisht, arriti të shërohej nga sëmundja. Dy ditë më parë, Maqedonia e Veriut njoftoi se është marrë vendim për të blerë 200 mijë vaksina kineze, ndërsa ka porositur edhe më shume se 800 mijë vaksina përmes mekanizmit COVAX, por nuk ka marrë ende asnjë dozë. Pavarësisht frikës që ka ngjallur prania e variantit të ri të virusit, autoritetet shprehen të bindura se gjendja mund të mbahet nën kontroll. “ Shfaqja e këtij lloji të virusit nuk duhet të na befasojë duke marrë parasysh faktin se ai gjendet tashmë në shumë vende tjera”, deklaroi ministri i Shëndetësisë, Venko Filipçe. Ndërsa partia opozitare VMRO DPMNE-ja thotë se në fakt, ky variant I virusit ka qarkulluar në vend që prej datës 29 dhjetor, dhe autoritetet sipas saj e kanë anashkaluar shumë cështjen e vaksinave. Aktualisht kanë nisur kontrollet sidomos në një klinikë të Shkupit, ku brenda një harku shumë të shkurtër kohor, janë paraqitur me dhjetëra pacientë.