Në anën e vullkanit Pecaya të Guatemalës shihet llava që rrëshqet. Ekspertët lokalë thonë se për momentin, llava nuk duket se do të rrezikojë banorët aty pranë, nëse nuk ndryshon drejtim. Ekspertët ndërkohë kanë studiuar të dhënat satelitore me synimin për të zbuluar aktivitetet e ardhshme vullkanike dhe sipas ture, në parim, mund të përdoren shenjat nga clirimi i nxehtësisë që vërehen në sipërfaqen e vullkaneve për të parashikuar më mirë aktivitetin vullkanik. Përmes instrumenteve satelitore, NASA studioi për 16 vite rrjesht çlirimin e nxehtësisë. Shkencëtarët gjetën se në vitet në prag të shpërthimit, temperatura në sipërfaqen e vullkanit u rrit me rreth një gradë celsius. Ndërkohë, me mjetet më të fundit për zbulimin, sipas ekspertëve, shpërthimi i një vullkani mund të parashikohet disa muaj ose edhe vite më herët. Ekspertët thonë se me kombinimin e metodologjive të ndryshme, mund të kuptohet se cfarë po ndodh në shtresën e poshtme dhe poshtme dhe për të parashikuar aktivitetin vullkanik. Pranë vullkanit Pacaya të Guatemalës jetojnë 21 komunitete. Çdo të mërkurë të prillit, adhuruesit shkojnë për t’u lutur pranë llavës, duke spërkatur ujë të bekuar dhe kërkuar fuqisë hyjnore që të ndalojë rrjedhën. Sipas ekspertëve me mbledhjen më rigoroze të të dhënave, shkenca mund të paralajmërojë komunitetet si këto para se të ndodhë shpërthimi i ardhëshëm.