Dy vajza të vogla janë lënduar rëndë pasi një kështjellë e fryrë shpërtheu papritur dhe fluturoi në një lartësi prej tetë metrash, duke i përplasur ato mbi një rrethim metalik dhe mbi shinat e tramvajit. Pamjet tregonin panikun në qytetin Rus, Barnaul, ndërsa kështjella gjigande e fryrë, shpërtheu dhe katapultoi në ajër fëmijët e moshës tre deri në katër vjec. Tre fëmijë të tjerë fatmirësisht u rrëzuan në tokë por nuk pësuan lëndime serioze. Ndërsa dy vajzat që u përplasën me rrethimin metalik dhe me shinat e tramvajit, sipas mjekëve, janë në gjendje kritike. Një prej tyre, e quajtur Ana, vetëm tre vjec, ka pësuar një frakturë në shtyllën kurrizore si edhe tronditje. Vajza tjetër, katër vjecarja Vika, ka pësuar frakturë në kafkë dhe lëndime në mushkëri e stomak pasi ajo u fluturua për thuajse pesë metra në ajër. Të rriturit vrapuan për të mbajtur të palëvizur kështjellën dhe për të kontrolluar që fëmijë të tjerë nuk kishin mbetur të bllokuar brenda saj. Zyrtarët po hetojnë tani shkaqet e aksidentit që ndodhi pranë një qendre tregtare dhe që fillimisht u tha se u shkaktua nga era e fortë. Sidoqoftë, dëshmitarët thanë se nuk kishte patur erë por pretenduan se dëgjuan një lloj shpërthimi. Një teori është edhe ajo sipas të cilës kështjella ishte fryrë më shumë se c’duhej dhe se nuk ishte siguruar sic duhej.