Shpërthimet gjëmuan mbi një qytet iranian të premten në atë që burimet e përshkruan si një sulm izraelit, por Teherani e hodhi poshtë incidentin dhe tha se nuk kishte plane për hakmarrje,...dhe duket se kjo ishte një përgjigje e menduar mirë drejt shmangies së luftës më të gjerë në rajon. Shkalla e kufizuar e sulmit dhe përgjigja e heshtur e Iranit duket se sinjalizojnë një përpjekje të suksesshme nga diplomatët që kanë punuar pa u ndalur për të shmangur luftën e gjerë, që pas një sulmi me dronë dhe raketa të iranit mbi izrael të shtunën e kaluar. Mediat dhe zyrtarët iranianë folën për një numër të vogël shpërthimesh, për të cilat ata thanë se erdhën nga mbrojtja ajrore e Iranit e cila goditi tre dronë mbi qytetin e Isfahanit. Veçanërisht, ata iu referuan incidentit si një sulm nga "të infiltruarit" dhe jo nga Izraeli, duke shmangur kështu nevojën për hakmarrje. Një zyrtar iranian i tha agjencisë së lajmeve Reuters se nuk kishte plane për t'iu përgjigjur Izraelit për incidentin. "Burimi i huaj i incidentit nuk është konfirmuar. Ne nuk jemi përballur me asnjë sulm të jashtëm dhe diskutimi anon më shumë drejt infiltrimit sesa sulmit," tha zyrtari. Izraeli nuk tha asgjë për incidentin. Ai, prej ditësh kishte deklaruar se po planifikonte të hakmerrej për sulmet e së shtunës, sulmi i parë i drejtpërdrejtë ndaj Izraelit nga Irani në dekada luftë në hije mes tyre.