Një ngjarje e rëndë është regjistruar këtë të martë në fshatin Reps të Mirditës, ku si pasojë e shpërthimit të një bombole gazi një person ka mbetur i vdekur. Viktima është idetifikuar si Nikollë Prendi ,65 vjec. Sipas burimeve 65 vjecari ishte vëllai i Ndrea Prendit, gardistit të 21 janarit. Ngjarja e rëndë u regjistrua rreth orës 13 e 40 në banesën e tij. Shërbimet e Policisë dhe të zjarrfikëses shkuan menjëherë në vendin e ngjarjes, ndërsa grupi hetimor po punon për sqarimin e plotë të shkakut dhe rrethanave të ngjarjes. Burimet policore bënë me dije se banesa 2 katëshe ku jetonte viktima është shkrumbruar nga shpërthimi i bombolës. Banorët e zonës u shprehën se menjëherë pas shpërthimit kanë shkuar për ndihmë, mirëpo 65 vjecari nuk i ka lejuar komshinjtë që të hapin dyert dhe të futeshin në shtëpinë e tij.