Top News – Shkodër, digjet ndërtesa dy katëshe / Pesë familjet mbeten pa strehë, apel për shtetin

Shkrumbohet një godinë dy katëshe në fshatin Golem të Shkodrës, duke lënë të pastreha pesë familjet që banonin atje. Ngjarja u shënua mbrëmjen e kësaj të hëne, ku flakët e zjarrit pushtuan godinën brenda pak minutave, dhe u përhapën me ritme të shpejta për shkak të erës dhe kushteve klimaterike në Shkodër. Forcat zjarrfikëse mbërritën menjëherë në vendngjarje dhe për më shumë se pesë orë luftuan me flakët e zjarrit, por në pamundësi për të shpëtuar godinën nga dëmet e pariparueshme. Dy efektivë të zjarrfikëseve mbetën të plagosur gjatë ndërhyrjes dhe u dërguan me urgjencë drejt spitalit. Apeli i pesë familjeve që jetonin në këtë godinë shkon për institucionet shtetërore, prej të cilave kërkojnë ndihmë pasi në këtë godinë kanë jetuar rreth tridhjetë persona.