Një lokal në qendër të Shkodrës është përfshirë nga flakët. Sipas informacioneve të para, dyshohet se zjarri ka rënë për shkak të një shkëndije elektrike. Siç shihet edhe nga pamjet lokali është djegur totalisht dhe flakët kanë prekur edhe pjesën anësore të një pallati. Lokali gjendet në qendër të Shkodrës, shumë pranë hyrjes së Teatrit Migjeni. Ndërkohë, forca të shumta zjarrfikëse kanë ndërmarrë operacionin e shpëtimit, por pa mundur të ketë rezultat. Fatmirësisht dëmet në objektet e tyre janë shmangur, por përllogaritja e faturës financiare ka qenë e madhe. Gjithsesi, një grup hetimor po kryen hetime të plota për të bërë të mundur zbardhjen e shkaqeve të rënies së zjarrit.