Bilanci ditor i koronavirusit në turqi, nuk përfshin numrin e personave që rezultojnë pozitivë por nuk shfaqin simptoma. Këtë e ka pranuar ministri i shëndetësisë së vendit, Fahrettin Koca. Ai tha se shifrat e publikuara që nga 29 korriku, i referohen vetëm pacientëve, cka do të thotë atyre që shfaqin simptoma të koronavirusit. Ai nuk tha se sa pacientë shtesë asimptomatikë janë regjistruar në turqi por tha se ata përbëjnë edhe pjesën më të madhe të rasteve. Autoritetet shëndetësore në vende të ndryshme kanë thënë se disa njerëz mund ta mbajnë covid 19 pa shfaqur asnjë simptomë dhe mund t’ia transmetojnë atë të tjerëve, që mund të zhvillojnë simptoma. Shumë juridiksione perëndimore i raportojnë rastet asimptomatike brenda numrit total të rasteve pozitive. Deklarata e ministrit turk vjen ndërkohë pasi një deputet i opozitës tha se numri i rasteve të koronavirusit në vend është 20 herë më i lartë se shifrat zyrtare. Ai akuzoi qeverinë se po fsheh përmasat e vërteta të epidemisë në Turqi. Pamjet: AFP