Situata epidemiologjike në vendin tonë vijon të jetë e rënduar, ndërsa kapacitetet spitalore pothuajse janë të gjitha të zëna. Koronavirusi së bashku variantin Omicron dhe gripin sezonal i cili ka mbërthyer një përqindje të madhe të popullsisë ka bërë që qindra qytetarë ti drejtohen spitaleve për të marrë trajtim mjekësor. Kjo e martë ka shënuar sërish një rritje të frikshme të rastve të reja në vend. Në 24 orët e fundit janë shënuar 2156 nga 7067 testime të kryera. Në raportimin e zakonshëm të ministrisë së shëndetësië bëhet me dije se 5 persona kanë humbur jetën si pasojë e virusit të rrezikshëm. Në 24 orët e fundit me gjithë përpjekjet e stafit mjekësor betejën me virusin e rrezikshëm nuk e fituan një qytetar nga Lushnja 54 vjeç, një qytetar nga Berati 70 vjeç, një qytetare nga Elbasani 73 vjeçe, një qytetar nga Vlora 78 vjeç dhe një qytetar nga Tirana 82 vjeç. Aktualisht në spitalet covid po marrin trajtim 123 pacientë, nga të cilët 10 janë në gjendje më të rënduar. Po gjatë këtij harku kohorë janë shëruar 1685 qytetarë, duke e çuar numrin e të shëruarve në 224,193 që nga fillimi i epidemisë. Ndërkohë, 23 mijë e 505 pacientë janë aktivë me covid 19 në të gjithë vendin.