Mbrojtja e pasurive kombëtare dhe shtimi i fondit pyjor mbetet politika bazë në draftet e ministrisë së mjedisit, por situata e ekosistemit në Shqipëri është në rrezik. Në emisionin investigativ ‘Inside Story’ u bë publike se zyrtarisht nuk ka të dhëna se sa është sipërfaqja pyjore e humbur nga pyjet natyrorë të Lurës, por pamjet e marra nga google earth tregojnë përmasat e masakrës që ka përjetuar ajo pasuri kombëtare. Aktualisht në këtë zonë nuk ka më prerje, pasi nuk ka mbetur më asgjë për tu prerë. “Në krye të këtij krimi qëndron shkatërrimi i parkut kombëtar të Lurës sepse Lura ka vlera të veçanta biodiversiteti dhe u shkatërrua përfundimisht. De jure mund të jetë park kombëtar por de facto nuk është më”