Emigrantët shqiptarë reaguan menjëherë pas lajmit se Ambasada Shqiptare në Athinë do të pezullonte shërbimin. Por, menjëherë pas kësaj, ka mbërritur lajmi i mirë se Ambasada Shqiptare në Athinë do të vazhdojë normalisht shërbimin e saj dhe nuk do ta mbyllë shërbimin konsullor nga data 9 deri në 30 nëntor, siç kishte paralajmëruar më parë. Ka qënë vetë kryeministri Edi Rama, i cili ka kërkuar që të vazhdojë funksionimi i ambasadës dhe konsullatave Shqiptare në Greqi për të vazhduar dhënien e shërbimeve në përfaqësitë tona diplomatike,por duke marrë masa shtesë mbrojtje nga covid 19. Po punohet shtrirja e takimeve për aplikimet të jetë në distacë te saktë kohore nga takimi i rradhës,ndërsa personeli do të mbajë distancë dhe do të marrë masa të forta sigurie, siç janë maskat, mburojat e fytyrës dhe dorezat. Edhe ambientet do të dezifektohen disa herë në ditë, ndërsa masa janë marrë edhe për termometrimin e personave që do të hyjnë brenda ambienteve të përfaqësive tona diplomatike në greqi. Muajt e fundit ambasada Shqiptare në athinë punon me orare të zgjatura,madje që nga korriku i këtij viti,janë kryer më shumë se 30.000 aplikime për pasaportë dhe kartë identiteti, duke mundësuar afatin e aplikimit për pasaportë në më pak se 24 orë, nga 5-6 muaj që ky afat ishte përpara korrikut, kohë kur u shkarkua edhe i gjithë stafi i kësaj ambasade.