Numri i viktimave nga shembja e ndërtesës 12 katëshe në Miami, Florida ka shkuar në 78, ku 14 trupa u gjenden të premten. Nga 78 trupa të zbuluar deri më tani, vetëm 47 prej tyre janë identifikuar. Ndërkohë që ende besohet se 62 trupa janë ende nën rrënojat e ndërtesës së shembur. Gjatë një konference për mediat, kryetarja e bashkisë së Miamit, Daniella Levine Cava u shpreh se kjo është një shifër tronditëse dhe pikëlluese. Gërmimi nën rrënoja nuk ka ndalur që prej rrëzimit të ndërtesës, në 24 qershor. Të premten, po përmes një deklaratë Cava tha se nuk ka më shpresa që të gjenden njerëz të gjallë nën rrënoja dhe se për këtë arsye punimet do të ndryshojnë në këtë drejtim. Ajo gjithashtu shtoi se edhe pse është e vështirë, kanë vendosur që të kalojnë në punimet e kërkimit dhe heqjen e rrënojave në vend të kërkim-shpëtimit.