Qindra persona mbetën të bllokuar në makinat e tyre pasi një masë e stërmadhe dheu u përplas mbi një autostradë duke bërë që një pjesë e saj të shembej, pas përmbytjeve në Kanada. Autoritetet janë detyruar të evakuojnë një qytet të tërë në Kolumbian Britanike, ndërsa përmbytjet e frikshme shkaktuan kaos, pas reshjeve të dendura të shiut. Përpjekjet e shpëtimit nisën për të ndihmuar të paktën 275 persona, mes tyre 50 fëmijë, të bllokuar që nga e diela në mbrëmje. Të paktën nëntë persona u shtruan në spital me plagë të lehta. Helikopterët u përdorën në operacionet e shpëtimit pasi ekuipazhet vlerësuan mënyrën më të mirë për t’iu afruar rrugëve të bllokuara pasi shumë akse u mbyllën për shkak të reshjeve. Zyrtarët lokalë thanë se skuadrat e shpëtimit po bëjnë gjithcka që munden për të siguruar që të arrijnë tek njerëzit e bllokuar në makinat e tyre sa më shpejt që të jetë e mundur.