Amerikanët votojnë sot në një nga zgjedhjet presidenciale më të polemizuara në dekada me presidentin aktual republikan, Donald Trump, përballë sfidantit të tij demokrat, Joe Biden. I pari që nis votimin, në orën 10.00 sipas orës së Grinuiçit është Vermonti. Rreth 100 milionë njerëz ndërkohë kanë votuar në zgjedhjet e hershme, duke e vënë vendin në kurs për pjesëmarrjen më të lartë në një shekull. Të dy rivalët i kaluan orët e fundit të garës duke bërë fushatë në shtetet kyce. Të hënën, presidenti Trump është ndalur në një seri shtetesh që konsiderohen fushëbeteja. Në Karolinën e Veriut, ai u tha mbështetësve se viti i ardhshëm, do të jetë më i madhi për ekonominë e vendit në histori. Ndërsa Biden, shkoi në Pensilvani, ku atij iu bashkua këngëtarja Lady Gaga, ndërsa këngëtari John Legend iu drejtua zgjedhësve përkrah kandidates për zëvendëspresidente të demokratëve, Kamala Harris.