Shtetet e Bashkuara kanë ngritur një padi kundër Apple me akuzën e monopolizimit të tregut të telefonave inteligjentë dhe konkurrencë të pandershme. Në padi, departamenti i drejtësisë pretendon se kompania përdori kontrollin e saj të iPhone për të kufizuar ilegalisht konkurrentët dhe opsionet e konsumatorëve. Ankesa e akuzon për frenim të aplikacioneve të reja dhe reduktim të përfshirjes së produkteve rivale në dyqanin e saj online. Autoritetet amerikane akuzojnë kompaninë se po "minon aplikacionet, produktet dhe shërbimet që do t'i bënin përdoruesit më pak të varur nga iPhone dhe për më tepër me kosto më të ulëta për ta". Ankesa rendit një sërë hapash "anti-konkurruese" që supozohet se janë ndërmarrë nga kompania, duke përfshirë bllokimin e aplikacioneve me funksionalitet të gjerë, kufizimin e shërbimeve celulare të transmetimit në serverat e saj, kufizimin e portofoleve digjitale të palëve të treta dhe "tkurrjen e funksionalitetit" të orëve inteligjente që nuk janë prodhuar nga kompania. Apple reagoi përmes një zëdhënësi duke e konsideruar padinë si të gabuar, pa bazë dhe pa fakte.