Gjysma e popullsisë në moshë madhore në SHBA janë vaksinuar tashmë, thanë burime nga Shtëpia e Bardhë, duke shënuar kështu një moment historik në luftën kundër pandemisë së Covid-19. “Sot, ne do të arrijmë kuotën 50 % në vaksinimin e qytetarëve në moshë madhore të SHBA,” tha një zyrtar i Shtëpisë së Bardhë, i cili preferoi të mbetej anonim. Deri tani, më shumë se gjysmë milioni amerikanë kanë vdekur nga koronavirusi, por tashmë vendi është lider botëror përsa i përket numrit të vaksinave të bëra. SHBA kanë vaksinuar me të paktën një dozë gati gjysmën e popullsisë së tyre prej 332 milion banorësh, por fushata po pëson një ngadalësim për shkak të hezitimit të shumë njerëzve për t’u vaksinuar. Presidenti Joe Biden ka caktuar si objektiv që, deri më 4 korrik, SHBA të kenë vaksinuar me të paktën një dozë 70 % të të rriturve amerikanë.