Është rritur sërish numri i jetëve të humbura si pasojë e covid 19 gjatë 24 orëve të fundit, ku janë raportuar 11 jetë të humbura. Ministria e Shëndetësisë se viktimat e kësaj të marte janë 4 qytetarë nga Tirana, 2 qytetarë nga Durrësi, 2 qytetarë nga Fieri, 1 qytetar nga Lushnja, 1 qytetar nga Elbasani, 1 qytetar nga Pogradeci, të moshave 51- 83 vjeç. Me këto të dhëna numri i jetëve të humbura si pasojë e infektimit nga koronavirusi ka shkuar në 2227 që nga fillimi i pandemisë. Ndërkaq në shifra të ulta mbeten infektimet ditore, ku janë konfirmura 204 raste të reja, si pasojë e 2730 testimeve të kryera ndaj personave të dyshuar, nga këto 92 raste në Tiranë, 25 në Shkodër, 22 në Fier, 15 në Gjirokastër, nga 11 raste në Lushnje, Vlorë, nga 10 raste në Durrës, Devoll, 9 në Pogradec, nga 7 raste në Korçë, Sarandë dhe me pak raste në bashkitë e tjera të vendit. Ka rënë në mënyrë të ndjeshme edhe numri I pacienteve që po marrin trajtim në spitalet covid ne tioranë dhe ato rajonale ku po trajtohen 293 pacientë, 11 në terapi intensive, nga të cilët 5 pacientë janë të intubuar. Në 24 orët e fundit janë shëruar 593 qytetarë, duke e çuar numrin e të shëruarve në 90,617 që nga fillimi i epidemisë. Numri i rasteve aktive është 31 817, ndërsa numri i personave pozitive që nga fillimi I epidemisë ka shkuar në 124 723 të prekur nga koronavirusi.