Armata serbe ka në përbërjen e saj tanimë edhe robotë, të cilët përngjasojnë me qentë. Ushtarët me katër këmbë u shfaqën gjatë një stërvitjeje të madhe ushtarake, vetëm dy javë pasi Serbia hapi një fabrikë për prodhimin e robotëve të projektuar në Kinë. Robotët u filmuan duke vepruar përkrah ushtarëve dhe duke simuluar sulme ndaj një ndërtese. Pamjet tregojnë robotët duke lëvizur në terren, duke hyrë në një ndërtesë të improvizuar dhe duke hapur zjarr me armë automatike, ndërsa ushtarët serbë kryenin operacionin në të njëjtën zonë. Sipas të dhënave të publikuara, robotët ishin të pajisur edhe me raketa antitank Ëasp, pushkë automatike dhe granatahedhës 40 mm. Shfaqja e tyre erdhi pasi presidenti serb Aleksandar Vuçiç kishte deklaruar më 29 gusht se robotët e armatosur të projektuar nga kompanitë kineze do të shfaqeshin brenda 15 ditësh nga hapja e fabrikës.