Pas një ndërmjetësimit intensiv të ditëve të fundit të Shteteve të Bashkuara dhe Bashkimit Europian, Kosova dhe Serbia gjetën gjuhën e përbashkët për çështjen e dokumenteve të lëvizjes së qytetarëve. Arritja e kësaj marrëveshje luan një rol kyç në zbutjen e tensioneve të krijuara në kufirin verior të Kosovës, të cilat arritën kulmin rreth një muaj më parë. Serbia ra dakord të shfuqizojë aplikimin e dokumenteve për hyrje daljet për shtetasit me karta identiteti të Kosovës, dhe po të njëjtën praktikë do të ndjekë edhe Kosova, duke ruajtuar parimin e reciprocitetit, të shumëkërkuar nga kreu i qeverisë së Kosovës, Albin Kurti. Shefi i diplomacisë së Bashkimit Europian, Josep Borrel në një postim në Tëitter shkruan: “Jam i lumtur që gjetëm një zgjidhje evropiane që lehtëson udhëtimin ndërmjet Kosovës dhe Serbisë, dhe që është në interes të të gjithë qytetarëve të Kosovës dhe Serbisë. Kryeministri i Kosovës, Albin Kurti u shpreh se reciprociteti duhet të jetë fryma e zgjidhjeve parimore. Në Tëitter, Kurti publikoi intervistën e tij për median gjermane ëelt ku nënvizon domosdoshmërin e masave reciproke për targat e makinave dhe dokumenteve të hyrje-daljeve me Serbinë, si dhe fuqinë e re të punës, të kualifikuar, luftën kundër korrupsionit dhe forcimin e demokracisë. Për arritjen e marrëveshjes reagoi dhe kryeministri Rama, i cili e cilësoi një lajm të bukur zgjidhjen e çështjes së lëvizjes së lirë mes dy vende përmes dialogut. Kreu i qeverisë ftoi palët për të mos humbur më kohë për të cuar përpara dialogun