Ideja se Serbia është e detyruar të njohë Kosovën po bëhet gjithnjë e më e pranueshme në Beograd. Instituti i Beogradit për Çështje Evropiane ka bërë një hulumtim të opinionit publik në Serbi. Në këtë hulumtim të publikuar më 17 gusht janë përfshirë 1 mijë e 228 persona, në lidhje me raportin Kosovë-Serbi. Krahasuar me vitin 2021, në Serbi ka një rritje të numrit të qytetarëve të cilët e përkrahin pavarësinë e Republikës së Kosovës. Në pyetjen “A do ta mbështesnit një plan të presidentit Aleksandar Vuçiq, i cili do ta njihte pavarësinë e Kosovës, dhe do të siguronte një shtet të qëndrueshëm dhe standard më të mirë për qytetarët e Serbisë?”, në vitin 2021 për “PO” kanë qenë 21 %, derisa në vitin 2022 kjo përqindje ka shkuar në 26.3, duke shënuar një rritje prej 5.3 %.