Nje plantacion me hashash prej 50 dynymësh është asgjesuar nga policia greke pasditen e së hënës në një zonë në afërsi të Athinës. Nga operacioni mësohet se janë arrestuar 24 dhe 46 000 rrënjë kanabis janë sekuestruar. Kjo konsiderohet si një nga sasitë më të mëdha të kapura dhe asgjesuara ndonjëherë në territorin grek. Policia thotë se ka gjetur drogën në një serrë në të cilën duhej të mbillej kanabis industrial, por që trafikantët e kishin kthyer në plantacion droge. Autoritetet thonë se kanë verifikuar deri tani mbi 18.000 rrënjë kanabisi sativa ,pra të ndaluara në vend, ndërkohë që po vazhdon analizimi i rrenjëve të mbetura dhe asgjesimi i tyre. Policia gjatë operacionit ka gjetur edhe një sasi prej mbi 62 000 euro kash si dhe armë automatike. 10.000 rrënjë janë në përfundim analizave, ndërsa vazhdon aksioni i policisë greke. Mes të arrestuarve 6 shtetas janë greke dhe 18 të huaj, disa prej tyre shqiptarë si dhe të tjerë nga pakistani dhe Iraku