Rusia ka lëshuar urdhërarrest ndërkombëtar për tre pjesëtarë të Policisë së Kosovës. Moska zyrtare ka kërkuar që emrat e tyre të futen në systemin e kërkimin ndërkombëtar, Interpol, në mënyrë që të arrestohen në vendet ku janë. Lajmi konfirmohet jo zyrtarisht nga autoritetet e Kosovës, që bëjnë me dije se ata dyshohet të kërkhen nga Rusia për një rast të vitit 2019, kur në veri të vendit ishte arrestuar një shtetas rus. Emrat e pjesëtarëve të poliocisë, të shpallur në kërkim ndërkombëtar, nuk bëhen të ditur, megjthatë vlen të theksohet se që prej nisjes së luftës në Ukrainë, Rusia ka dërguar një numër të konsiderueshëm prej më shumë se 100 mijë personash, për ndjekje ndërkombëtare.